Bikin Kirsimeti: Adelabu yayi kira ga kiristoci suyi koyi da sadaukarwar Yesu

Ministan Wutar Lantarki, Adebayo Adelabu, a ranar Talata yayi kira ga ‘yan Najeriya, musamman Kiristoci, da su yi koyi da sadaukarwar Yesu Almasihu.

Adelabu, a cikin sakonsa daya aikewa jama’a daga Ibadan, babban birnin Jihar Oyo, ya kuma yi kira ga ‘yan ƙasa da su maida hankali wajen inganta rayuwar junansu da ƙasar baki ɗaya, tare da yin tunanin kan sadaukarwar da Yesu ya yi don ceton bil’adama.

Yayi musu fatan bikin farin ciki, sannan ya jaddada muhimmancin ƙoƙarin Yesu wajen sadaukar da kansa don ɗan adam.

Ministan ya kuma yi amfani da wannan damar wajen tabbatar wa ‘yan Najeriya cewa gwamnatin Shugaba Bola Tinubu za ta cika alkawuran ta karkashin shirin “Renewed Hope Agenda.”

Adelabu ya bayyana fatan cewa nan ba da jimawa ba ‘yan Najeriya za su fara cin gajiyar dimokuraɗiyya.

Bikin Kirsimeti: Adelabu yayi kira ga kiristoci suyi koyi da sadaukarwar Yesu