Gwamna Abba ya zaburar da kwamishinonin Kano

Gwamnan Kano Alhaji Abba Kabir Yusuf ya bukaci kwamishinoni su kara kaimi wajen bijiro da ayyukan ci gaba da bunkasa rayuwar al’umar jihar Kano.

Gwamna ya bayyana haka ne a wajen rufe bitar sanin makamar aiki da aka shiryawa kwamishinoni da manyan sakatarorin gwamnatin jihar Kano a garin Kaduna.

Ya bukaci kwamishinonin da suyi amfani da abinda suka koya a yayin gudanar da jagorancinsu a ma’aikatun da suke jagoranta.

Ya kuma jaddada kudirin gwamnatinsa na aiwatar da shugabanci abin misali tare da bujuro da hanyoyin da zasu bunkasa tattalin arzikin al’umar jihar Kano.

Ya kuma yabawa shugaban hukumar tattara kudaden shiga ta jiha Dr. Zaid Abubakar bisa namijin kokarinsa wanda ya kai ga tarawa jihar Kano sama da naira biliyan uku da digo biyar a kowane wata.

Gwamna Abba ya zaburar da kwamishinonin Kano