Gwamnatin Kano ta ci tarar ‘yan kasuwa N500,000

Gwamnatin Kano ta ci tarar kasuwar farm center Naira dubu dari biyar biyo bayan samun su da laifin nuna halin ko in kula wajen tsaftace kasuwar.

Babban sakataran ma’aikatar muhalli na Kano Alhaji Muhammad Yusuf Danduwa ne ya bayyana hakan jim kadan bayan kammala aikin tsaftar muhalli na yau asabar.

Ya ce gwamnatin Kano ta za ta lamunci dabi’ar rashin kulawa da tsaftar muhalli musamman a cikin kasuwannin jihar nan da kuma sauran wuraran taruwar al’umma.

Alhaji Yusuf Danduwa ya nuna jin dadin sa da yadda al’ummar jihar nan suka bada hadin kai wajen zama a gidajen su domin shiga aikin tsaftar muhallin na wannan ranar.

Babban sakataran ma’aikatar muhallin ya kewaya wasu daga cikin manyan titunan jihar wanda kuma kotun tafi da gidan ka ta ci tarar mutane saba’in da uku wadanda aka samu da laifin karya dokar aikin tsaftar muhallin.

Gwamnatin Kano ta ci tarar ‘yan kasuwa N500,000