Gwamnatin Kano zata rushe gidaje 42 a Tal’udu

Hukumar kula da ci gaban birane ta jihar Kano (KNUPDA) ta sanar da shirin rushe gidaje 42 da aikin gadar Tal’udu ya shafa, bayan kammala biyan diyya ga masu gidajen da abin ya shafa.

Shugaban KNUPDA, Arch. Ibrahim Yakubu, wanda ya samu wakilcin daraktan gudanarwa na hukumar, Aminu Umar, ya bayyana haka yayin ziyarar gani da ido a wuraren da aikin zai shafa.

A cewarsa, hukumar ta riga ta biya diyya ga masu gidaje 24, kuma tana ci gaba da biyan sauran kafin fara aikin rusau.

Ya ce wannan matakin yana daga cikin kokarin gwamnatin jihar na tabbatar da ci gaban biranen da kuma samar da ingantattun hanyoyi ga al’umma.

Gwamnatin Kano zata rushe gidaje 42 a Tal’udu