NNPC yayi watsi da zargin matatar man fetur din Fatakwal

Kamfanin man fetur na kasa NNPC yayi watsi da rahotannin da aka fitar cewa matatar man fetur ta Fatakwal bata aiki.

Kamfanin na NNPC yace rahotannin kanzon kurege ne ake yadawa domin matatar ta kammala aiki kamar yadda aka tabbatar a kwanakin baya.

Kamfanin yace a yanzu haka ma ana shirye shirye fara dakon mai zuwa sassan kasar nan.

A wata sanarwa da kamfanin man na kasa ya fitar mai dauke da sa hannun babban jami’an gudanarwa da harkokin yada labarai Mr Olufemi O. Soneye ya nemi yan Najeriya suyi watsi da labarin.

Sai dai kamfanin baiyi karin bayani yaushe ne za’a fara ganin man fetur din na Fatakwal a gari ba.

NNPC yayi watsi da zargin matatar man fetur din Fatakwal