Turmutsitsin Abuja: Wike ya ba da umarnin kula da lafiyar mutane kyauta

Ministan Babban Birnin Tarayya (FCT), Nyesom Wike, ya umurci asibitocin gwamnati da su bai wa waɗanda suka jikkata a turmutsutsun da ya faru a Cocin Katolika na Holy Trinity, Maitama, Abuja, kulawar lafiya kyauta.

Wike ya bayar da wannan umarni ne ta wata sanarwa da Mataimakinsa na musamman kan harkokin yaɗa labarai, Mista Lere Olayinka, ya fitar a Abuja ranar Asabar.

Akalla mutum 10, ciki har da yara, sun rasa rayukansu yayin da wasu mutum 10 suka jikkata a turmutsutsun da ya faru lokacin da cocin ke rabon kayan abinci ga masu ƙaramin ƙarfi da tsofaffi.

Wike ya ce hukumar babban Blbirnin T’tarayya za ta tabbatar da cewa an bai wa waɗanda suka jikkata cikakkiyar kulawa.

Ministan, wanda ya jajanta wa waɗanda abin ya shafa, ya kuma yi umarnin cewa daga yanzu, dole ne a nemi izinin ‘yan sanda kafin gudanar da rabon tallafi, ko kayan abinci ko kuɗi, da kowace ƙungiya ko ɗaiɗaikun mutane ke shirin yi a bainar jama’a.

Da yake bayyana lamarin a matsayin abin takaici, Wike ya yaba da gaggawar da ‘yan sanda da sauran hukumomin tsaro suka yi wajen shawo kan lamarin, yana cewa.

Turmutsitsin Abuja: Wike ya ba da umarnin kula da lafiyar mutane kyauta