Bazan taba yin sulhu da yan ta’adda ba – Gwamna Dauda Lawal

Gwamnan jihar Zamfara Dauda Lawal Dare ya ce har yanzu yana kan matsayarsa, cewa ba zai yi sulhu da ƴan fashin daji ba.

Yayin zantawarsa da BBC gwamnan ya ce ya ɗauki wannan matsaya ne ganin cewa a bayan an sha yin sulhu da ‘yan bindigar, amma ba sa mutunta alƙawurran da aka yi da su a baya.

Gwamnan Zamfarar ya kuma ce ana cigaba da samun saukin ayyukan ‘yan bindiga a jihar sakamakon muhimmancin da suka ba tsaro a jihar.

Ya ce yanzu haka ana samun saukin sace sace da kashe kashe da yan ta’adda suka saba yi a jihar.

Dangane da batun yan gudun hijira dake jihar Gwamna Dauda Lawal ya ce gwamnatin ta kokari ganin an taimaka musu ta hanyoyin da suka kamata.

Bazan taba yin sulhu da yan ta’adda ba – Gwamna Dauda Lawal